أحببت ميته الجزء الأول

الجزء الأول (أحببت ميته )
في ليلة من ليالي الشتاء كان في شاب اسمه محمود محمد نزل من بيته بعد اما اتخانق مع والدته
عشان هي نفسها تشوف ابنها عريس لأنه ولد على 3 بنات محمود نزل وهو مدايق اوي و مخنوق
فسرح وهو ماشي فجأه لقي حد بيجري من قدامه ناحيه الغابة ولما دقق النظر لقها بنت جميله جدآ شعرها أسود طويل لبسه فستان ابيض قصير
فسألها : انتي اسمك ايه وايه الي جابك هنا لوحدك في الوقت ده؟ ؟
ردت وهي منهاره : الحقني عايز يموتني الحقني   وقعده تعيط وعنيها تحلو و تزيد جمال علي جمالها
محمود : مين الي عايز يموتك وانتي اسمك ايه؟ ؟
هي : جوز خالتي عايز يموتني الحقني
محمود : تعالي معايا متخافيش انا عندي أخوات بنات فى نفس سنك تعالي
مشيت معاه
محمود : انتي اسمك ايه؟ ؟
هي بصوت رقيق: انا اسمي ميرنا
محمود : اسمك حلو
ميرنا : شكراً
و أخدها معاه البيت لحد تاني يوم لأن الوقت متأخر
بيخبط علي الباب أمه فتحت
أم محمود : نعم عايز ايه؟   مين دي تنزل وانت زعلان تطلعلي بواحدة
محمود : أتعصب اوي 
واخد أمه علي جنب و قالها قصتها ولاقها فين .
قالتله :انا قلبي مش مطمن بس هتبات عندنا عشان خاطرك
أم محمود : صعبت عليها وندهت عليها يا قلبي تعالي ادخلى باتي مع البنات لحد ما النهار يطلع
ميرنا : شكراً بس انا هاروح  
أم محمود : لاه لازم تباتي الوقت متأخر
ميرنا : ماشي يا طنط
وطلع النهار و فجأة!!
وفجأة
أم محمود : محمود اصحي يا محمود (بزعيق جامد) 
محمود :في ايه يا ماما حد يصحي حد كده نعم .
أم محمود : البت بتاعت امبارح مش موجودة يعني انا شعوري كان صح البت دي جايه تسرق
محمود :بتقولي ايه ازاي !!!!ده انا فضلت سهران امبارح و منمتش غير الساعة 7 الصبح
أم محمود : معرفش اوم دور في حاجتك لتكون خدت حاجه منك
محمود قعد يدور كل حاجة في مكنها و فلوسه كلها موجودة
نزل يسأل البواب
محمود :عم عبده مفيش حد نزل من شويه
عم عبده: لاه يا بيه ده انا قاعد من امبارح بالليل مفيش حد نزل
محمود مستغرب ازاي كده ممكن تبقي نزلت من باب المطبخ بس مأخدتش حاجه يبقي هى مش حراميه
محمود راح الشغل و كل تفكيره في اللي حصل امبارح
اول اما دخل كانت الصدمة 
لقا ميرنا هناك
محمود :ميرنا انتي ليه مشيتي من غير متقولي لحد .
ميرنا : خوفت ازعجكم
محمود :ماشي طب انتي جيت ازاى هنا و بتعملي هنا ايه و روحتي فين لما مشيتي..؟
ميرنا :روحت ملقتش حد في البيت جبت هدومي ونزلت اشوف شغل لقيت شغل هنا في الشركة الي
انت شغال فيها
محمود كان معجب بيها و بتسريحت شعرها و جمالها في اللبس ودخل قعد علي المكتب بتاعه وهيا قاعده قصاده
محمود :تفطري معايا
.
ميرنا : اوك انت هتفطر ايه
محمود :ايه رأيك نروح مطعم ناكل فول 
ميرنا:فول!! ماشي يلا
و فطروا مع بعض
محمود :انتي هتباتي فين؟ ؟
ميرنا: هانزل في فندق لحد مالاقي شقه
محمود :ازاي وبيتي موجود انا كده ازعل
ميرنا : لاه معلش سييبني براحتي
محمود : براحتك يلا نروح وبالمره اوصلك في طريقي
ركب العربية ووصلها وروح بيبص لقى شنطتها في العربيه
فقال يروح لها الفندق
راح الفندق بيسأل البنت بتاعت الرسيبشين علي ميرنا
بتقوله مفيش حد نزل بالاسم ده بقي مستغرب ازاي ده انا لسه موصلهامن شوية بيرن عليها تليفونها مقفول
فضل 4ايام بيدور عليها ملهاش أي أثر راح شركه الاتصالات يبحث عن التليفون بتاعها
موظف الشركه قاله التليفون ده مقفول بقاله 3 سنين
محمود :ازاى ده حصل اكيد في حاجه غلط طب ممكن العنوان لمكان التليفون
موظف الشركة :اتفضل ........
محمود : شكراً
و مشي بيبص في العنوان لقاه نفس المكان الي قابلها فيه أول مره راح المكان ده
لقا قصر كبير جدا لقه بواب قاعد
محمود :ممكن اعرف مين صاحب القصر دة
البواب :يا بيه بيني وبينك القصر ده بقاله اكتر من 3 سنين مقفول
محمود : مقفول ليه
البواب :أصل القصر ده كان صاحبه واحد غني قوي قوي حصل عاركه بينه وبين جوز أخت مراته بسبب الفلوس كان فيها
دم و بيقولوا كمان أن الراجل صاحب القصر مات هو و مراته
محمود:ماتوا ازاي
البواب :جوز أخت صاحبه القصر قتلهم و دفنهم في القصر بعد ما قطعهم حتت
وكان صاحب القصر عنده بت وحيده كانت بتتربي بعد موت أبوها و أمها علي ايد البيه جوز الست الي بعد محدش عرف يثبت انه موت أبوها وامها
هو اسمه حمدي المهم حمدي دة كان بيضرب البت و بيعذبها وقتل مراته بنفس الطريقة و دفنها في
نفس المكان البت الصغيرة كانت خايفة منه قوي وكبرت علي أيده لحد مجه يوم كان عيد ميلاد الست
الصغيرة و البت كانت هتموت البيه حمدي لأنها كبرت و منسيتش و جت تحاول تقتله هوحس و طلع
يجرى وراها لحد هناك كده بس عربية خبطتها و هيا شنقت نفسها هناك كده و من سا عتها كل الي
يمشي هناك تطلعله وتكون عايزه تموته
محمود :هي كانت اسمها ميرنا
البواب :اه يا بيه
محمود وهو مروح اشمعني انا الي مموتتنيش
و فجأه،،،،محمود وهو مروح اشمعني انا الي مموتتنيش و فجأه
‎تظهر ميرنا :و تقوله عشان انا حبيتك من أول ماشفتك انا بحبك انت
" " "
‎محمود : انتي عايزة مني ايه سيبيني في حالي
‎ميرنا : انت بتحبني و انا بحبك ازاي اسيبك
‎محمود : انا بكرهك
‎ميرنا قلبت وشها و قالت :يبقي متزعلش من الي هيحصل و ضحكت ضحكة رعب
‎محمود روح و هو مذهول و بيقول:يا رب ليه كده انا اتمنيت أحب و اتحب و يوم مايحصل كده تطلع
‎عفريته
‎أم محمود : انت مالك يا محمود بقالك كام يوم مش علي بعضك فيك حاجة يا بني
‎محمود : اه و عايز احكيلك بس خايف عليكي من غدرها
‎أم محمود : غدر مين قولي يا بني متخفش
‎محمود قال لأمه كل حاجة
‎أمه :ايه الي انت بتقوله ده انت بتهزر صح ازاى انت تحب عفريته يالهوي ابني بيحب عفريته
‎محمود : اسكتي بلاش فضايح
‎أخوات محمود جم علي صويت أمهم
‎رحمه أخت محمود : في ايه يا ماما بتصوتي ليه في ايه يا محمود (للعلم رحمة من أخوات محمود ال3
‎وهي الكبيره في سنه 4 كليه طب و اخواته التانين ملك و ياسمين ملك في 3 ثانوي وياسمين 1 ثانوي
‎)المهم نرجع لموضعنا أم محمود : تعالي يا رحمه شوفي اخوكي الي عايز يموت و يموتنا وراه
‎اخوكي بيحب عفريته و العفريته بتحبه
‎رحمه :ايه يا ماما الكلام الفارغ ده.
‎ياسمين :العفريته دي تبقي ميرنا صح
‎محمود : صح بس عرفتي منين
‎ياسمين :أصل وانتوا نايمين انا ببص عليها لقيتها خرجت من الحيطه طلعت وراها ملقتش حد
‎محمود : وليه مقولتيش 
‎ياسمين :أصلي كنت خايفة منها
‎محمود : هنعمل ايه دلوقتي
‎ملك :احنا نروح لشيخ هو الي هيحل الموضوع ده صح يا يارحمه
‎رحمه :ملك عندها حق
‎محمود : ماشي يلا البسوا
‎راح محمود ومامته و اخواته البنات
‎الشيخ:أهلا يا محمود انا عارف انت جي ليه
‎محمود : طيب كويس انك عارف وفرت علينا الكلام
‎الشيخ :العفريته دي من النوع القوي لازم تموتك عشان ترتاح وتبقي انت ملكها
‎محمود : انت مجنون

‎محمود : انت مجنون تموتني امال انا جايلك ليه
‎الشيخ :هو ده الحل الوحيد
‎محمود : يلا يا ماما يلا يا بنات ده شكله اهبل
‎روح هو و مامته و اخواته البنات
‎ام محمود : هتعمل ايه دلوقتي؟ ؟
‎محمود: مش عارف
‎أم محمود : اوم يا بني صليلك ركعتين و نام
‎محمود : حاضر
‎صحي تاني يوم الصبح لبس و نزل شغله
‎راح لقي بنت جديده جت جميلة جدا جدا فيها شبه من ميرنا
‎اسمها الاء
‎محمود : صباح الخير
‎الاء:صباح النور
‎محمود : انا اسمي محمود
‎الاء :تشرفنا
‎محمود قعد علي مكتبة بيفكر في الاء لقاها حلوه اوي و حبها من أول ماشافها
‎خلص الشغل ومحمود مروح ظهرتله
‎ميرنا في العربيه
‎محمود : انتي تاني ما تسبيني في حالي
‎ميرنا:انت بتحب الاء صح
‎محمود : صح انا معجب بيها
‎ميرنا : انت مش من حقك تحب انا الوحيدة الي في حياتك انت فاهم انا وبس
‎محمود : انا بحب الاء فاهمة
‎ميرنا : يبقي ودع الاء
‎محمود : انتي بتقولي ايه لاه الاء لاه وفجأة اختفت ميرنا وهى بتضحك  ضحكة خوفت محمود
‎محمود كلم الاء
‎محمود : الو الاء ازيك عامله ايه
‎الاء : الحمد لله بخير وانت عامل ايه مال صوتك فى حاجه
‎محمود: كنت عايز اقابلك دلوقتى ممكن
‎الاء: خير فى حاجه مهمه
‎محمود : اه لما اشوفك هاقولك
‎الاء : مينفعش تستني لبكرة فى الشغل
‎محمود : لا أمر ضروري
‎الاء : قلقتنى حاضر هالبس و اقبلك
‎محمود واقف مستني الاء قدام المطعم و هي بتعدي الطريق محمود لقي ميرنا واقفه عماله تضحك
‎و شاف عربيه جايه من بعيد طلع يجرى واخد الاء فى حضنه ووقع هو و هي علي الأرض
‎الاء:انا كان ممكن اموت
‎محمود : تعالي انا هحكيلك علي كل حاجة
‎محمود اخد الاء و حكالها
‎الاء بتبص لمحمود وهى مذهوله انت اكيد بتهزر عفريته
‎محمود : لاه مش بهزر
‎الاء : طب ليه انا الي عايزه تموتني
‎محمود فضل يفكر يقولها و لا لاه مبقاش عارف
‎الاء : مترد
‎محمود : عشان انا...انا....
‎الاء : عشان ايه؟
‎محمود : عشان بحبك 
‎الاء : انت بتقول ايه بتحبني انا
باقي القصة قريبا

تعليقات

المشاركات الشائعة من هذه المدونة

رواية تزوجت طفلة الحلقة الثانية

رواية تزوجت طفلة الحلقة العاشرة